palkhiche bhoi song lyrics by sambhaji bhagat in marathi हे पालखीचे भोई... संभाजी भगत ~ marathisonglyrics

हे पालखीचे भोई... संभाजी भगत

Singer	Sambhaji bhagat
Lyrics	Sambhaji bhagat

विषाची जिथे लावली रोपटी

त्या गावातले दूध प्यावे कसे ?

मुबारक तुला बैमानी तुझी

पंगतीला तुझ्या मी बसावे कसे ?

हवे तर तुला पाळणा तू बदल

अर्भकाचे मी आकार बदलू कसे ?

हे पालखीचे भोई यांना आईची नाही

जिथे जिंदगी जागते यांनी लेखनी पोचत नाही

राज कवि लाज रवी उजेड तुझा काय सांगू ?

राजबिंडे तुझे तांडे तोरा तुझा काय सांगू ?

अंगी वस्त्र मुख्य अस्त्र जादू त्याची काय सांगू ?

तुझा भार आमच्या डोई आम्ही पुस्तकात नाही

हे पालखीचे भोई यांना आईची नाही

अरे दिसे चंद्र देव इंद्र

अरे आमची माणसं नाही लिवली

दिसे कामिनी गजगामिनी

राबती माय नाय लिवली

दिसे पान हिरवे रान

जळती ऊन नाय लिवली

तू रंगवली दुनिया तो आमचा रंग नाही

हे पालखीचे भोई यांना आईची नाही

जिथे जिंदगी जागते यांनी लेखनी पोचत नाही

हे पालखीचे भोई यांना आईची नाही

धन्यवाद आपण आपला वेळ दिल्या बद्दल आपण या ब्लॉगवर नवीन मराठी गाणी, जुनी मराठी गाणी, मराठी गझल, मराठी चित्रपट गीत ,मराठी एल्बम , मराठी कविता, भीम गीते, विद्रोही कविता, गाणी यांचे लीरिक्स (lyrics) शब्द आपण आपल्या https://lyricsongsmarathi.blogspot.com या ब्लॉगवर प्रदान करतो. ब्लॉग आवडल्यास परत भेट द्यावी.