Elgar kavita kavi suresh bhatt एल्गार कवि : सुरेश भट्ट ~ marathisonglyrics

एल्गार

कवि : सुरेश भट्ट

अद्यापही सुऱ्याला माझा सराव नाही

अद्यापही पुरेसा हा खोल घाव नाही

येथे पिसून माझे काळीज बैसलो मी ..

आता भल्याभल्यांच्या हातात डाव नाही

हे दुःख राजवर्खी .. ते दुःख मोरपंखी ..

जे जन्मजात दुःखी कोठेच धाव नाही ??

त्यांना कसे विचारू - कोठे पहाट गेली ?

त्यांच्यापल्याड त्यांची कोठेच धाव नाही

जी काल पेटली टी बस्ती मुजोर होती

( गावात सज्जनांच्या आता तणाव नाही )

झाले कुठे फरारी संतप्त राजबिंडे?

कोठेच आसवांच्या बाका बनाव नाही

गर्दीत गारड्यांच्या सामील रामशास्त्री

मेल्याविना मढयाला आता उपाव नाही

जावे कुण्या ठिकाणी उद्ध्वस्त पापियांनी ?

( संतांतही घराच्या राखेस भाव नाही ! )

उच्चारणार नाही कोणीच शापवाणी..

तैसा हृषीमुनींचा लेखी ठराव नाही !

सध्याच माणसांचा एल्गार येत आहे ..

हा थोर गांडूळांचा भोंदू जमाव नाही !

ओठी तुझ्या न आले अद्याप नाव माझे

अन् ओठ शोधण्याचा माझा स्वभाव नाही

धन्यवाद आपण आपला वेळ दिल्या बद्दल आपण या ब्लॉगवर नवीन मराठी गाणी, जुनी मराठी गाणी, मराठी गझल, मराठी चित्रपट गीत ,मराठी एल्बम , मराठी कविता, भीम गीते, विद्रोही कविता, गाणी यांचे लीरिक्स (lyrics) शब्द आपण आपल्या https://lyricsongsmarathi.blogspot.com या ब्लॉगवर प्रदान करतो. ब्लॉग आवडल्यास परत भेट द्यावी.